أحداث اليوم -

سخرية واسعة استقبل بها رواد مواقع التواصل الاجتماعي فرض مسؤولي التربية والتعليم في محافظة الوادي الجديد (جنوب مصر) زياً موحداً على المعلمين. ورغم محاولات وزارة التربية والتعليم نفي نيتها في تعميم التجربة على باقي المحافظات إلا أن ذلك لم يوقف سخرية المغردين، مشبهين الفكرة باقتراح وزيرة الصحة عزف السلام الجمهوري بالمستشفيات.
وتوقع أيمن صفي الدين: "‏يظهر الجيش هيفتح مصنع ملابس ‎#عصابة.. زي موحد للمدرسين والادارة". وسخر رسام الكاريكاتير إسلام جاويش من الفكرة: "‏زي موحد ايه للمعلمين يا جماعة هما بيدوا حصص في أبو مازن بتاع الشاورمة!".
واقتبس نون الحوار الساخر من فيلم "الرهينة": "‏هنبقى شيك يا عماد؟ يوووه ولا أمناء الشرطة يا جدع. #زي_موحد_للمدرسين".
وقال محمد حلمي: "‏بفضل من الله تعالى تم حل مشاكل التعليم بمصر ومشاكل المعلم خاصة.. زي موحد للمعلمين.. رصاصي للمعلم وبنى للمعلمات! يا راجل عيب عليك.. قعد التلاميذ على ديسكات وزود الأجور أهم من الكلام الفارغ ده".
وعلق شريف: "‏توحيد زي المعلمين في مدارس مافيهاش تعليم زي السلام الوطني في مستشفيات مافيهاش علاج زي طلاء موحد لمنازل لا تصلح للسكن وده تعريف شبه دولة. #ارحل_يا_سيسي".
وسخر سمير عبد العظيم من وزير التعليم: "‏_ وأنت يا وزير التعليم جاي تشتغل وتطور ولا جاي تهرج ؟ _ لا أنا جاي أهرج (بصوت يحيي الفخراني). ‎#زي_موحد_للمدرسين".
وأكد السيد الرحماني: "‏هو هيبقى فيه زي موحد للمدرسين بجد؟! لو ده حقيقي فعلاً فأنا مش فاهم إيه علاقة ده بتطوير التعليم! ده هبل رسمي".(العربي الجديد)

[17-02-2019 11:02 AM]