أحداث اليوم -

كتب - محمد زيد شوابكة - يجب على الحكومه رفع الدعم عن الخبز ... ولازم تدعم المواطن بشكل مباشر بدل دعم الطحين .. ولعدة أسباب ..

أولا ً .. أنا كأردني بشتري باليوم بربع دينار خبز لو صار بنص دينار رح تفرق معي 8 دنانير بالشهر حد أقصى ... تعطيني اياهم الدوله ع الراتب بكون أحسن ..

ثانياً .. سرقة الطحين المدعوم من الموزعيين وأصحاب المخابز وبيعه بالسوق السودا ... هدر سنوي بالملايين ..

ثالثاً .. أغلب المخابز بتعمل الكعك وخبز الحمام والخبز الصغير من الطحين المدعوم وبتبيعنا اياه بسعر المش مدعوم

رابعاً ... اغلب المخابز بيملكها غير أردنيين ..

خامساً ... بحدود 3 ونص مليون غير أردني من شتى الجنسيات بيستفيدو من دعم الخبز وبشكل أكبر منا ... الوافديين المصريين مثلا ً من أكبر مستهلكين الخبز بالمملكه ..

سادساً .. المطاعم السياحيه والفنادق الي بتحسب عليك الخبز ب 4 أضعاف سعره ليش تستفيد من دعم الحكومه ؟؟

سابعاً .. حجم الهدر بالخبز مثل الخبز ناشف إلي بيروح ع مكب النفايات وإلي بترصده أمانه عمان بشكل دوري بيقارب عشرات الالاف من الأطنان يومياً ...