الرئيسية بالعامية

شارك من خلال الواتس اب
    نامت الرمثا

    أحداث اليوم - عثمان الشوبكي - نامت الرمثا
    حقها
    وصباحية مباركة
    وحقها
    وليش ماتفرح يعني؟
    حقها تفرج
    وتفرح بالطول وبالعرض
    إنجاز رياضي كبير حققه فريقها
    الفرح مشروع وحلو
    في ظل الأجواء الكئيبة بالبلد
    ودائماََ الرمثا فيها مسحة فرح وعز وطيب ومدينة فيها طرب وكيف وعندها فرقة موسيقية مشهورة وفيها مطربون على مستوى الوطن والرمثا حبيبة ودائماََ تنشر الفرح
    وأهل الرمثا رجال وشغيلة وتجار وكرماء وشجعان
    ولما يطلع الكأس من عمان عادي وعادي جداََ
    ومبروك للفائز.
    وعادي جداََ تفرح الرمثا وحقها
    وحق اهلنا في الرمثا يفرحوا مثل مايكون حق جماهير الأندية تفرح لما يفوز اي فريق بالدوري من الفرق الموجوده الكبيرة والعريقة بعمان سواء الفيصلي أو الوحدات أو الجزيرة أو الاهلي أو شباب الأردن
    أو فريق من محافظة العاصمة مثل سحاب الرائع الذي صمد وأبدع في الدوري هذا العام ليش لا ؟،.حلو كثير الفرح
    فلازم نحكي للرمثا مبروك
    وحقه يفرح كمان ويفرح الجميع معه بكل روح رياضية .
    ونحكي للوحدات انت فريق كبير وقطب رئيسي من أقطاب الكرة الأردنية وترفد المنتخب الوطني بخيرة اللعيبة ، وحصلت بطولات كثيرة وحظ اوفر والخير بالجايات.
    وعادي يفوز فريق كبير وله ماض عريق مثل الحسين اربد وتفرح عروس الشمال الغالية.
    وممكن وإن شاء الله يفوز السلط بالمستقبل كمان عادي جداََ وحلو كثير كثير
    وممكن يفوز البقعة من محافظة البلقاء وشيء رائع وجميل وممكن يفوز معان بالمستقبل وتفرح معان ويفرح الجنوب وين الغلط بالموضوع؟.
    كل المدن الأردنية غالية علينا مثل عمان وحقها تحصل على الخدمات والرعاية مثل عمان وحق الجميع الفرح في هذه الأوضاع الصعبة التي يعاني منها الشعب من فقر وبطالة .
    الرمثا مش غريبه عليه يفوز كمان فاز بالدوري مرتين قبل هيك، يعني فريق وصل وفريق أعطى وفريق مبدع.
    ترى الرمثا مدينة أردنية عريقة واهلها من كرماء الناس
    وقدموا للوطن الكثير الكثير ومبارك عليهم الكاس وبطولة الدوري الاردني للمحترفين وصباحهم مبارك وجمعتهم هاي غير ومباركه عليهم، وصحتين وعافية.
    الملك حسين الله يرحمه كان يصف الشعب الاردني
    بالأسرة الأردنية الواحدة ، خلينا أسرة واحدة نفرح بفرح اي منا وخلينا متعاضدين فالأعداء يتربصون بنا





    [05-11-2021 12:47 PM]
التعليقات حالياً متوقفة من الموقع