أحداث اليوم - بالكثير من الالم والحزن، نعت شابة أردنية والدتها التي توفيت اليوم جراء حادثة مستشفى السلط بعد انطاع الاكسجين عن غرف العناية الحثيثة التي كان يعالج فيها مرضى كورونا.

وبحسرة واضحة تعبر الشابة في رسالتها إلى والدتها عن الم الفراق، وهي تستنجد وترفع من صوتها وتطلب من الله تعالى أن ينتقم من المسؤولين عن هذا الحادث الاليم.

احداث اليوم تنشر رسالة الشابة الملكومة كما تداولها النشطاء.

"" اسفه ياجماعه مش قادره احكي مش قادره احكيلكم شو صار.. انا اليوم مسكت ماما بثلاجة تخيلو لوين. انا اليوم غسلتها و عبضها. ي جماعه ماما كانت بالعنايه المركزه. ساعه ١٠.. ونص ماما عمرها ٣٩.. لسا ما شبعنا منها وحيات ربي انو وصيتها هديه لعيد الام. و بتوصل بكره. كيف رح توصل و ماما بكره رح تندفن و ربي راح انجن ما كنت متوقعه هيك يصير

ياجماعه بدي ماما مش عارفه اعيش بدونها كيف الي قلب هسا ارجع ع البيت. افوت ع غرفتها كيف الي عين اطلع ع تلفونها ع صفحتها ع أغراضها يجماعه انا ماما ماتت بأيدي اليوم ماتت بأيدي وقف قلبها ما في أكسجين. مش ع اساس كمان اسبوع بدنا نطلع و نعزل البيت و نشتري أغراض لرمضان مش ع اساس بدك طلعينا نشم الهوا. بدي ياكي ي امي والله الحياه بدونك مو حلوه

ماما تركتيني ليش ليششششش بدي اسمع صوتك. اعده بتذكرك كيف انخنقتي كيف طلعتي لفوق. اسفه ي ماما لاني ما قدرت اعمل شي اسفه يروحي الله يوخدني لعندك.

روان و رهف فاتو بغيبوبه ابن العريس عمر عم يصحى فيكي قومي قومي ياربيييييييييييييييييييييييي.

كيف بدي احطك بالقبر بكره كيف انتي قوليلي كيف راح اعيش بدونك.

حسبي الله ونعم الوكيل حسبي الله ونعم الوكيل فيكم حسبي الله ونعم الوكيل فيكم الله يعجل فيكم. حرقتو قلوبنا ليش ليش اخدتو امي. ياربي حسو في. والله العظيم اني مش مستوعبه

كيف رح انام و امي مو معي.. مش رح اتخيل لاني رح اموت وراهاا

انا بنت كتير جبانه بدون ام

مش رح احكي الله يرحمك لأنو انتي لساعتك عايشه بعرف. و انو هاد كلو حلم بعرف.. تعالو صحوني من الحلم الخوف هاد.

انتي خايفه بعرف

يجماعه بدييييييييييييي امييييي بالله عليكم وجعولي ياها

ولكو حسبي الله ونعم الوكيل. اخ""

[13-03-2021 11:27 PM]