أحداث اليوم -

مازحت الفنانة اللبنانية هيفا وهبي جمهورها عبر حسابها الخاص على أحد مواقع التواصل الإجتماعي حيث اشارت الى انها لو كانت تعلم بأن تهريب الكوكايينفيمطار بيروتلا عقاب له لكانت غيرت نهاية مسلسل الحرباية، في اشارة الى اخلاء سبيل الفنانة اصالة نصري عقب ضبط كمية من الكوكائيين معها في مطار بيروت الدولي
وكتبت هيفا التالي:
"والله لو كنت بعرف ان تهريب الكوكاين عالمطار مالوش عقاب، كنا غيرنا نهاية المسلسل الحربايه وعملنالو نهاية كوميدية".
يذكر أن الفنانة السوية أصالة كانت قد أوقفت قبل أيام في مطار بيروت حيث ضبط معها كوكايين من ثم أخلي سبيلها وسافرت الى مصر

وعقبت اصالة على ما حصل معها في مطاربيروت الدولي، وقالت: أنها أمضت ساعات قاسية وصعبة، وشكرت كل من وقف الى جانبها بما حصل، وكتبت أصالة عبر حسابها الخاص على أحد مواقع التواصل الإجتماعي التالي:

"على قدّ ماكانت الساعات الطويلة الماضيه قاسيه وصعبه ... على قدّ مافرحت بالمحبّه وبالإهتمام وبالثقه اللي غمرتوني فيها... ماتعوّدت بحياتي فسّر أو وضّح أو كون بمطرح المتّهم... مو بس لثقتي بنفسي بل لأنّي ومن عمري ست سنين وأصغر وأنا بين الناس وكتار كتير اللي اهتمّوا فيني ، وكتار كتير اللي أضافولي وعلّموني ... ولاأبالغ لو قلت إنّي بحسّ بمسؤولية التعبير حتّى فيما له بالغ الأثر على أماني وأمان عائلتي ، لأنّي ضمير هالناس اللي مابيقدر صوتهم يوصل ... طبعاً مرّات بندم وبقول ( شو كان بدّي بهالتعب) بس الأكيد إنّي خلقت لكون متل ماأنا... بيروت حبيبتي وتوأمي والناس اللي فيها بتساعدني وبتحبني أكتر بكتير من غيرهم ... أنا بحسّ حالي خلقت فيها وبعشق كلّ ذرّه من ترابها ... ومارح أزعل منها كتير لأنّه مالها ذنب... شكراً لكلّ اللي ساندوني وساعدوني من كبار هالدوله اللي بيتعذبوا أكتر منّي ليضلّوا كبار، وصلت اليوم بيتي تعبانه شوي ومصدومه شوي ومقهوره شوي ، بس كمان عندي أمل بالضمير وخصوصاً لمّا قريت بعض الرسائل لمن لاتربطني بهم مودّه ومع ذلك نفوا عنّي ماأُشيع ، والحقيقه هالشي فرّحني متل مافرحت بالكم الهائل من المحبّه والإهتمام اللي خفّف عنّي شعور الظلم اللي مارح أتعوّد عليه ، مافي شي إسمه صحافه صفرا بس فيه ناس صفرا بيشتغلوا صحافه ، وكلامهم أنتوا ردّيتوا عليه ، ومالحق يجرحني ، وسؤالي إلهم ( ليش لازم كون مُتّهمه وملوّثه ليكتب قلمكم عنّي؟ ممنوع كون حرّه؟ ممنوع طالب بالعدل؟ ممنوع كون بشر متل البشر اللي خلقهم الله ليكونوا جنب بعض ؟ ) أملي ببكره أحلى كبير وأملي حتّى بالضمير اللي مات يصحى كمان مازال موجود ، وأنا كتبت لطمّنكم ، إنّي قدوه ووفيّه لثقتكم ومعكم عم بستنّى العدل يسود ، ومعكم عم كافح لنكون أحرار ، ورح أرجع بيروت لما بتشتقلي ، وتحميني قبل ماتظلمني ...".