أحداث اليوم -

صفوت حنيني - اجتاحت موجة من الغبار مدن ومحافظات المملكة ظهر اليوم تأثرا بحالة عدم الاستقرار التي دخلت المملكة .

احداث اليوم رصدت تعليقات الاردنيين عبر مواقع التواصل الاجتماعي واستقبالهم لموجة الغبار وكانت كالتالي :-

علقت يارا صالح :" بعرف انه الدنيا ممكن يكون لونها ابيض من الثلج رمادي مع المطر مشرقة مع الشمس بس انها تصير orange من الغبرة!!! هاي ما حبيتها!!! ".

اما المثنى الضمور فقال :" من حبتين تراب اهل الاردن بلشوا بتشكونوا من الغبره، اما انكم شغل دلع ".
موسى عوض علق بطريقته الخاصة وقال :" الغبره الي اجت ع الخليج شكلها ميلت تاخذ لفه عنا ".

الناشط خليل النظامي كتب بسخرية :" عيش اللحظه وابرز مدى انتمائك لوطنك بهذا الجو ، طبقا لقاعدة الانتماء "بتنفس ترابك يا وطن" .

اما الاردنية المقيمة بالكويت ريتاج عز والمتواجدة حالياً في عمان غردت "يا جماعة انا مشتاقة للكويت بس لما اطلع من شباك بكتشف ان من كتر ما الكويت بتحبني جابت الغبرة للاردن " .