أحداث اليوم -

التطبيق تم تصميمه لمواجهة الكوارث الطبيعية من تحدث كارثة منها الزلازل او الفيضانات والخ راح يحدث انقطاع للانترنت وكذالك الاتصالات تنقطع ومايبقى اي شبكة او انت في مكان معدوم فيها وسائل الاتصال اهنا يجي دور هذا تطبيق وهو للمراسلة يعمل مع أو بدون الوصول إلى الإنترنت أو البيانات الخلوية او ابراج اتصالات ولا يحتاج الى سيرفر وتكدر عن طريق التطبيق ترسل رسائل استغاثة او طلب مساعدة

التطبيق راح يخلي الناس يتواصلون بيناتهم و طبعا كلما زاد عدد الناس يزداد نطاق البث والمسافة راح تزداد بمعنى اذا الناس في مدينة معينة كلهم شغلوا التطبيق راح يأمن اتصال من شمال لجنوب المدينة و بهاي الحالة المدينة تكون متصلة بالكامل ويكدرون الناس يتواصلون بيناهم و يطلبون استغاثة

الجميل في البرنامج يعمل ب Multi-hop routing راح يوصل جميع الأجهزة ضمن النطاق وهذه الميزة راح تخلي الناس عبارة عن برج اتصال واحد يوصل للثاني اشارة ويزداد المسافة وهو نوع من الاتصالات في الشبكات الراديوية و راح يخلي تغطية الشبكة أكبر من نطاق الراديو وهي تعمل حتى عند فشل الوصول إلى الانترنت او شبكات المحمول.


========= الميزات =========
• أرسل الرسائل على الفور إلى أي شخص من حولك عنده نفس التطبيق
• من ترسل رسالة في حالة عدم وجود احد حولك راح يحتفظ التطبيق بيها و مجرد ان تقترب من احد او احد يقترب منك راح يرسل الرسالة المحفوظة
• تكدر ترسل رسالة لشخص او الآلاف من المستخدمين الي حملوا التطبيق
• اكتب الحالة نداء او حالة اصابة او مسلتزمات طبية والخ
• عرض الرسائل المرسلة والمستلمة
• الرسالة المرسلة كل الناس راح تشوفها وتستغل بدون انترنت وماتحتاج سيم كارت ولا تحتاج الى سيرفر
• يعمل بدون اتصال بالإنترنت و بدون تغطية شركات الاتصالات و بدون اي سيرفر و بدون ان تربط نفسك بشي
• تتصل الأجهزة مباشرة مع بعضها البعض بمجرد تشغيل التطبيق الاجهزة تتعرف على بعض تلقائيا
• نظام ال GPS راح ينطي احداثية كم تبعد او يبعدون عنك الناس
• نظام ال GPS راح يساعد المسعفين للوصول الك بسرعة
• الرسائل المرسلة الها فترة زمنية ويتم ارشفتها لكن ممكن اعادة نشرها في اي وقت
• في حالة عدم وجود ناس قريبين منك وانت تريد تعمل نداء لاتقلق تكدر تسويها حتى في عدم وجود احد قريب منك لان البرنامج راح يحفظها في البث ومجرد اقتراب اي شخص منك راح يتم ارسال رسالتك تلقائيا الهم لطلب المساعدة

يعمل كل جهاز بمثابة برج يساعد بقية الناس ل يصل الاشارة لهم ، حيث ينشئ شبكة يعتمد على عدد الناس الي حملوا التطبيق
وكلما زاد عدد الناس يزداد نطاق الشبكة .


لتحميل التطبيق اضغط هنا او على العلامة الخضراء الاولى


من تنصب التطبيق اتاكد من اعادة تشغيل هاتفك يعني طفيها وشغلها وافتح التطبيق
يعمل عن طريق استخدام أجهزة الراديو منها Bluetooth و WiFi يرسل رسائل مباشرة بين الأجهزة المحمولة ولايزم يكون عندك شغال Bluetooth و WiFi واتاكد من تشغيلهم فقط مايحتاج تربطها باي شي.

[25-01-2022 12:03 AM]