الرئيسية أحداث فنية

شارك من خلال الواتس اب
    دينا الشربيني تكشف سبب فشل الزواج - فيديو

    أحداث اليوم -

    كشفت الفنانة دينا الشربيني، عن رأيها في أسباب فشل مؤسسة الزواج، مؤكدة أن "العشرة" تكشف حقيقة كل شخص، كما تحدثت بصراحة مع النجم عمرو يوسف عن أكثر مخاوفها، ورأيها في التمييز بين الرجل والمرأة، ورغم أن رسائلها كانت موجهة بالكامل إلى عمرو دياب إلا أنها لم تذكر اسمه مرة واحدة.


    أضافت خلال مناقشة مع النجم عمرو يوسف في الحلقة الأولى من برنامج «بصراحة مع»، المذاع على فضائية MBC: للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون في فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة وبلاش أكل أو عصير وفجأة يلاقيها بتضرب أي حاجة في التلاجة.

    ابعت قائلة: الفكرة أن المشاكل الحقيقية بتبدأ لما أي حد يعيش مع التاني، بتشوفه على حقيقته، لو مبينة حققت من الأول مظنش أن ده هيحصل.

     




    وواصلت قائلة: كل واحد من الطرفين بيتخيل أنه بيمتلك اللي قدامه، ومش قصدي على الرجالة بس، لما بيبقى نفسك في شنطة أوي بعد ما تمتلكها عادي ممكن ترميها على الأرض، كمان التعود حاجة سلبية، اللي هو خلاص أتجوزتها خلاص وتحط في بطنك بطيخة صيفي، المفروض كل يوم يبقى وكأنه يوم جديد وحياة جديدة.. أنا بحب الحب أوي.



    وكشفت دينا جوانب من حياتها الشخصية وردا على سؤال من عمرو يوسف، عن أكثر شيء ممكن يثير خوفها قالت: أكتر حاجة بتخوفنى أخاف أفقد حد بحبه وبخاف من الزمن يعنى بخاف من بكرة وبخاف على أهلى من فكرة الفقدان وده بيرعبنى».



    وقاطعها عمرو قائلًا: بخاف على دائرتى مراتى بنتى أمى أخواتى صحابى بخاف عليهم أكتر ما بخاف على نفسى بخاف على أشخاص ودائما بحب أنهم يكونوا سعداء، ومش بخاف من بكرة.


    وروى عمرو يوسف، موقف يكشف عن جوهر شخصية دينا قائلا: وإحنا بنصور ودينا داخلة رفيعة وجميلة وشكلها حلو تيجى تقولى تخنت شوية وشكلى وحش وعاوزة أخس"، ثم ردت دينا عليه قائلة: طول الوقت مترددة ومن جوايا ودائما بحس في الشغل أنى ممكن أعمل أحسن من اللى عاملته.



    وعن كيفية تقمص دينا الشربينى للشخصية قبل التصوير، سألها عمرو يوسف: "لما بتحضرى لدور بتعملى ايه": لترد قائلة: بقعد أذاكر وأفهم الشخصية كويس أوى يعنى في مسلسل جراند أوتيل شخصية ورد حبيتها أوى، وقعدت مع تامر حبيب عشان أفهم تفاصيل الشخصية وخطوطها، يعنى بمسك الشخصية من أسبوع لأسبوعين، ومعظم الأدوار الشريرة بتشد جدًا لأنه مليان تمثيل وعملت لي مشاكل عشان كنت بتكلم بنفس طريقتها بعد التصوير، وكد عمرو يوسف رأي دينا مؤكدا أنه بعد انتهاء تصوير مسلسل طايع ظل يتكلم باللهجة الصعيدية لمدة 3 شهور في البيت ومع أصدقائه.







    [19-01-2021 05:19 PM]
التعليقات حالياً متوقفة من الموقع