أحداث اليوم - القمر بكمل ببرج الدلو الهوائي كوكبه اورانوس. وساعة 11:44 ليلاً بينتقل لبرج الحوت .



الحمل
مهنياً:في تقلب ومزاجية وشوية عصبية عندك .. في حماس وشغل بس هاشي بيطلب منك تركيز ودقة حتى ماتتعرض لشي مو وقتو وفيك تتريث وتاخد وقتك بأي مشروع او اتفاق .. امور اجتماعية عندك وناس وعزائم وفيك تطلب مساعدة اذا بحاجة وامور مالية عندك اتعاب او قصة دين وممكن ماكان ببالك.
عاطفياً:تريث بقراراتك وخليك واضح وركز منيح اذا كنت اعزب او مرتبط وعندك جاذبية واطلالة بتكون ملفت لنظر .. والبعض حاول تشيل الافكار سودة من راسك وليس لها اساس من الصحة حاول لا تخلي افكارك ضيعك بتلاقي تحسن وانفراج بوضعك لمهم لا تستعجل بشي ..
صحياً:بحاجة لتلاقي حل لزيادة الوزن تحت اشراف أخصائي ..
غنيتك اليوم:اه بعد الليالي..عمر دياب

الثور
مهنياً:قصص بتخص شغل او وظيفة لقاء او اختبار مهم وامور فيها بيع وشراء .. حدد خياراتك ولا تحتار وركز منيح .. حاول تغض نظر عن بعض الاخطاء المرتكبة من المحيط حتى ماتفوت بجدالات ونقاشات متعبة حاول تنتبه وتكون حذر بشغلك لانو في اشخاص بتحاول تسبب مشاكل وتعرقل امورك .. في سمعة وشهرة وامور اجتماعية .

عاطفياً:في استفزاز او يمكن في تصرفات مقصودة والشريك بدو ياك تحت سيطرتو او عم يجاكر .. في مزاجية مافي تقدير للوضع ونقاشات بدا طولة بال وطنش وتكون هادي حتى قصص انا مو شايفها مستاهلة عم يصير من وراها توتر الي فيك مكفيك هدي هاليوم وتحسن قريب ..
صحياً:ممكن يعود عارض صحي من الماضي او انت كتير عم تهمل صحتك هالفترة فاتوقع نتائج مو منيحة
غنيتك اليوم:تركني لحالي..راغب علامة

الجوزاء
مهنياً: القمر والشمس ببرج الدلو بتطلع من الوحدة والكأبة و تحسن وانت افضل من قبل تتطورات وطاقة وفرصة جديدة لتبلش بشي مهم ويكون عندك علاقات كتيرة وتعارف جديد واتصالات بتكتر واذا مفكر بسفر يوم مناسب عندك حرية وتحرك وقصص تجارية وتحالفات واتفاقيات وتحسن شخصي اجواء حلوة واجتماعية وممكن تشتري موبايل او سيارة او تغير اذا امكن لك ذلك .

عاطفياً:المرتبط صح في عندك شوية عتب ولوم وتعب من علاقتك او تصرفات او غياب الشريك بس يومك حلو لتلاقي حلول وتصارح بشي الي زاعجك وتحطلو حد الحظ بساعدك لتحسن وضعك ويكون في صلحة ..

ممكن تبلش بعلاقة جديدة او علاقة ممكن تتطور وتحملك الكثير من الايجابية وبتحس انو في حدا واقف حدك بهاليوم وبلاخص الخالي من الحب ..

صحياً:لا تجهد نفسك فالأرهاق سبب لمشاكل القلب والضغط وسكري نتبه له شي وريح حالك.
غنيتك اليوم:ورجعتلا...ربيع بارود

السرطان
مهنياً:بحاجة لشوية صبر بيومك والانفراج تدريجي بهاليوم حازل ضب ايدك على مصايفك المالية فرصة لتقبض مال من شراكة او ميراث وبتتخلص من امور قانونية وادارية واتفاق مهم بكون .. في عقد او شراكة وضرائب وديون ونفقات شخصية بتزيد عيد حساباتك ورتب بيتك المالي بلاخص الفلك ببيت المال عندك ..

عاطفياً:في شوق وحنين وتفكير كتير وبعرف مو حابب تخسر شريك .. بدي تمرق هاليوم على خير وبكلمتين حلوين بتوقع بصير الوضع افضل حاول تبادر او تتنازل شوي مابصير شي في سوء تفاهم بيومك وقصة عم تكركب الوضع شوي لهيك بدي ياك تهدي ولا تزيد الوضع شوء ولا ضيع وتتردد عندك فرصة لتهدي وتتقرب وتصارح وتتصالح مع الشريك بلاخص المسا ..

صحياً:فرصة لشفاء من مرض وفي اهتمام صحي وتحسن منيح بكون نشالله .
غنيتك اليوم:مالي صبر ياناس..عاصي الحلاني


الأسد

هنياً:مضغوط ببيتك وبشغلك وعندك مسؤوليات كتير وهاشي ممكن يكون لصالحك لانك اذا حطيت شي براسك رح تعملو مهما كان صعب او كلف .. لاتتكاسل لانو عندك أعمال كتير ولا تتوتر وساير الوضع لتوصل وتنجح وممكن شغل جديد او توصل لاتفاق ما شراكة او عقد .. روق هاليوم ولا تنفعل زيادة برغم من خيبات الامل الي عم تتعرضلها نشالله القادم افضل الك ..
عاطفياً:المرتبط كتير بدك تهدي مع الشريك اليوم في يباسة راس وعناد وجدال وتحدي مابنصحك بهاشي مشان مايتكركب الوضع وتتعرض لمشكلة خليك حذر وساير في عصبية بيومك .. لاعزب او المرتبط جديد امورك افضل يومك حلو وفرصة لتبلش بشي جديد او شراكة عاطفية جديدة وممكن مشوار بصحبة الشريك.
صحياً:بحاجة لحلول صحية ممكن عم تتعرض من فترة الاضطرابات او بعض الالتهابات ..
غنيتك اليوم:بتغيب وبتروح..اليسا وراغب

العذراء

مهنياً:خلص شغلك المهم والاعمال الموكلة الك وحاول لا تتكاسل بأداء واجباتك .. يوم في شغل كتير ومسؤوليات وماحدا بيرحمك لا تتشائم وتعب نفسيتك روق وهدي ومافي شي مستاهل .. ضروري هالفترة تخلص بعض القضايا وتحل مشاكل تعبتك نظم امورك ونتبه على حالك ونتظر حدث مهم لتقلب كتير امور لصالحك والبعض بيدخل شغل او وظيفة جديدة.

عاطفياً:امور كتير بتشغلك عن الوضع العاطفي تواصل خافف كتير او شبه مقطوع يعني الوضع بشكل عام ماعم يسمح بدك تلاقي حل للوضع ممكن الشريك يبلش يضوج واخلاقو ديقة فترة مؤقتة كلشي ممكن يرجع فكر بعقلك ولا تتسرع بشي وخليك ذكي بتعاملك لان المسا الوضع غير بكون .. البعض رغم لكتار الي حواليك بس في شخص ببالك ومتمني تكون معو ..

صحياً:عم تتعرض لوعكة صحية وممكن التهابات بالبلعوم وكريب .
غنيتك اليوم:معاك برتاح...عمر دياب

الميزان

مهنياً:القمر والشمس بكونو ببرج الدلو الصديق رغم الوضع الي كنت عم تعيشو ببيتك وصحتك ليوم انت عم تاخد طاقة ايجابية كبيرة علاقات كتيرة وصداقات وتعارف وبتتلقى خبر حلو وعندك مفاجئة بيومك وفرصة حاول تستغلها وقصة اطفال .. من الايام الي الحظ بكون معك وقادر تقنع وتنجح بترتاح من المشاكل ويوم حلو لمشوار وتغير جو ولمة حلوة ..
عاطفياً:الاعزب فرصة لتكون كتير اجتماعي وتلاقي شريك والبعض ممكن صلحة او حب قديم ممكن يرجع .. جذاب والعين عليك ورومنسي وحب عندك لهيك بدي ياك تستفيد من هاليوم عاطفياً وتطلع من وضعك وتعيش اوقات مميزة ورومنسية يوم بيحملك تطورات ايجابية بعلاقتك ونقاش وتفاهم .
صحياً:في شوية أضطرابات وبتحس جسمك مو مرتاح ومشاكل بدورة الدموية وتعب وارهاق اعصاب بحاجة لمكان ترفيهي او ناس أيجابيين .
غنيتك اليوم:قبل الوداع ... عمر دياب

العقرب
مهنياً:عندك نقل لمنزل او مكان شغلك او عم يشغلك هالفترة موضوع سكن وتجهيز او بدك تعمل شوية تصليحات يوم في شوية تعب مافي شي عم يخليك مرتاح وقصص العائلية والمنزل عم تعبك او وضع حدا مقرب عم يشغلك هدي حالك وصبر هاليوم ولا تعكر مزاجك ولا تخلي هاشي يأثر على أختياراتك فرصة مهنية واجتماعية ولمة حلوة ..

عاطفياً:مرق يومك على خير لتبلش امورك تتحسن من المسا تدريجي .. برغم من جاذبيتك وحضورك الا انو عم يكون في نقص بالخطوة الأخيرة يوم في نقاشات وممكن تحط حد وحسم لبعض الامور بعلاقتك او عم تفكر بالمستقبل بلاخص المتزوج حاول تساير شوي ولا توتر الوضع بقصص العائلية او لاهل وحاول تغض نظر عن بعض الامور ولا تكبرها والمسا انت افضل ..

صحياً:امورك صحية نشالله بتكون بخير بس بدي منك تدخل بنادي او تمارس رياضة بشكل يومي .
غنيتك اليوم:والله واحشني موت..ماجد المهندس.

القوس
مهنياً:من الايام الداعمة الك لتنطلق من جديد وبتمتلك طاقة ايجابية واتصالات ولقاءات مهمة .. لحظ بساعدك لتبدا شي جديد حرية وتنقلات وسفر وعزيمة وبتشوف ناس غالية عليك .. خلص شغلك واحسم امورك وتنفذ مشاريعك واي شي بخص دراسة عندك شراء وتغيير لشي مهم علاقات اجتماعية مميزة واجواء حلوة وقصص عقارية عندك وحلول ..

عاطفياً:في لقاء واتصالات بس بدك تخففلي عصبيتك ومزاجيتك هاليوم بلاخص اذا في لقاء .. عم تعاني برود بالمشاعر وتوتر من قبل الشريك هاشي كتير بخليك مستفز وتندم على شي عم تعملو كرمالو بدي منك طول بالك شوي وتلتقي في وتحط نقاط على الحروف وتعزز الوضع كون المبادر حتى لو تعزبت شوي .. والبعض اذا في جفا وزعل بنصحك ترجع وتلاقي حل سريع ..

صحياً:اعطي صحتك اهتمام ولازم تباشر بتمارين الرياضية بلاخص عند صباح لتكمل يومك بنشاط.
غنيتك اليوم:خايف سميكي عمري...ربيع بارود

برج الجدي
مهنياً:خلص واجباتك ومسؤولياتك ولا تتهرب او تتكاسل بتعاملك مع المسؤول عنك ببيتك وشغلك حاول ماكتير تجادل وتناقش بأمور ادارية ولا تخالف القوانين احسن ماتتعرض للمسائلة القانونية والمحاسبة يومك مالي بين صرف وقبض وناطر مال او حوالة وممكن مكافئة ضب ايدك على مصاريفك كتير صرفت هالفترة ..في شغل او مشروع او شراكة عم تشغلك واجواء اجتماعية ولمة ..

عاطفياً:علاقتك بحاجة حسم في تردد حاول تفتح قلبك وتكون جريء ولا تقدم على اي فعل او تصرف غير مجدي بالوقت الحالي .. فكر منيح بوضعك وعيش علاقتك الحالية ولا تخلي الافكار ضيعك وتحس حالك غلطان بأختيارك مو كلشي بنحلم في بصير .. والبعض الي بعدو معلق بالماضي خليك ناطرو لنشوف اخرتا معك الوقت مرق والقلوب بعيدة ..

صحياً:في شوية خمول وتعب جسدي بحاجة لراحة ونوم ولا تخلي الجدالات ونقاشات ترهق أعصابك..
غنيتك اليوم:معاك قلبي...عمر دياب

الدلو
هنياً:الشمس مع القمر عم يكونو ببرجك .. فرصة حلوة لتستعيد طاقتك وحظك وثقة ومكانتك ولتعمل تغييرات بحالتك الشخصية وتتجاوز بعض العراقيل المهنية والمالية وضغوط العائلية .. في حسم لامر ما وقرار مهم بيومك وفي حرية وممكن تسافر او مشوار قصير عم تبذل جهد وطاقة بشغل في تغيرات جديدة مركز او شراكة ماتفكر بالماضي وحاول تكسب ثقة من جديد وتطلع من هاتشنجات وخلي حدا يعزمك ..

عاطفياً:جذاب وملفت لنظر بيومك وتتطورات جديدة واذا كنت خالي من الحب فرصة لتتعرف على ناس وتلاقي حدا مميز .. والمرتبط بعد توترات قادر تلاقي حل وماتوصل لطريق مسدود .. تقرب وصارح ولا تكبر القصص وظروف بتساعدك لتحل مشاكلك حاول تستغل هاليوم بتواصل واتصالات وامورك بتتحسن لا تخاف وبتحل مشكلة معقدة عندك..

صحياً:بحاجة للحفاظ على صحتك وتنظيم شوية امور عندك وبلاخص الأكل يوم افضل ويمكن البعض بزور طبيب بس لسبب غير المرض يمكن ..
غنيتك اليوم:أتوسل بيك .. ماجد المهندس

الحوت
مهنياً:بدي منك تمرق هاليوم بس في عندك شغل ومسؤوليات وشوية علاقات عم تعبك حتى عم تتعرض لخيبة امل او خذلان وتوتر بعلاقتك مع احد الزملاء او شخص غالي حاول تضبط اعصابك وحافظ على اسرارك ونظو امورك مابدي ياك تتسرع وتكون استفزازي لان في عندك تأجيل او تأخير ببعض القصص من المسا رح تلاقي الانفراج والاجواء الحلوة وعزائم وبتعمل تغييرات بشكلك وسهرة او حفلة.

عاطفياً:بتغير قناعتك بكتير ناس او بشريك نفسو او اي شخص ممكن يتقرب منك بتحس ماعد في ثقة وتصرفات هي عم تبرهن هاشي وانت مو ناقصك وجع قلب .. لا تكبر القصص لصغيرة لان الشريك ممكن غايتو يدفعك الارتكاب اخطاء او يستفزك بدك تروق كتير وتتقرب منو خليك متل مابعرف مابينخاف عليك رح تلاقي حلول لمشاكل ويهدا الوضع اذا مرقت هاليوم على خير وممكن من المسا أمور كتير تتغير عندك ..

صحياً:بدك تنتبهلي على صحتك منيح بهاليوم حاسك مالل وضجران وفي حزن وقلق ..
غنيتك اليوم: لا بأحلامك ولا بأوهامك..جوليا

[26-01-2020 10:05 AM]