أحداث اليوم - كشفت إنجي سلامة خطيبة هيثم أحمد زكي عن أول رد فعل لها بعد أسبوع كامل من رحيله المفاجئ، وذلك من خلال رسالة مطولة تحرك القلوب، نشرتها عبر حسابها على "فيسبوك".

بينت إنجي سلامة من خلال رسالتها أنها ما زالت واقعة تحت صدمة وفاته المفجعة، لكنها أرادت أن تنعيه من خلال بعض الكلمات علها تكون سبباً في الدعاء له ورفع ميزان حسناته، مؤكدة أن أي تعرض للبلاء هو خير للإنسان، وأن ليس كل ما يتمناه المرء يتحقق ويدرك، وعبرت عن أملها في الاجتماع بخطيبها في الجنة بعد أن وافته المنية قبل أن يتم زفافهما رغم قصة حبهما الكبيرة.

وكتبت خطيبة الراحل في رسالتها للجمهور: "انا بكتب الكلام ده و انا مش قادرة اكتب حاجة بس قلت ممكن يكون فيه اي حاجة تفيد أي شخص تكون في ميزان حسنات هيثم وانا بفكر نفسي قبلكم والله.. كلنا بيعدي علينا اختبارات في حياتنا وممكن نحس انه اختبار كبير اوي و صعب بس ربنا قال: ( الذين اذا اصابتهم مصيبة قالوا إنا لله وإنا اليه راجعون أولئك عليهم صلوات من ربهم ورحمة وأولئك هم المهتدون ) يعني انا كلي لله ورجعاله علشان الواحد يفتكر انه في الاخر ملوش غير ربنا و كلنا في الاخر رجعنله مهما قلوبنا تعلقت بأشخاص او أشياء."وأكملت إنجي سلامة في رسالتها: "سيدنا يعقوب لما قالوله ان ابنه سيدنا يوسف توفي قال: (فصبر جميل والله المستعان على ما تصفون) الصبر الجميل مش معناه ان مفيش حزن هو كان حزين جدا على يوسف واخوه.. بس يكون فيه رضا... في ناس وقت البلاء ممكن تقول ليه يا رب عملت فيا كده او اشمعنى انا ويقول انا صابر بس ده مش معنى الصبر اني اكون معترضة على قضاء الله. دايما خلي شكوتك لله واتكلم معاه من قلبك ربنا سميع قريب ودود مجيب زي ما سيدنا يعقوب قال كمان ( إنما أشكوا بثي وحزني الى الله وأعلم من الله ما لا تعلمون )".

وتابعت: "أي ابتلاء انت بتعدي بيه دلوقتي ليه اخر وليه جزاء وهتشوف جزاء الصبر ده في الدنيا والاخره بس خليك راضي بقضاء الله ربنا قال: ( سيجعل الله بعد عسر يسرا) ده وعد. الصبر معناه اني راضية وعارفة ان في جزاء كبير اوي و في خير ( انما يوفى الصابرون اجرهم بغير حساب ) ( والصابرين في البأساء والضراء وحين البأس أولئك الذين صدقوا وأولئك هم المتقون )".

[13-11-2019 09:32 PM]