أحداث اليوم - أحمد بني هاني - أعلن وزير التربية والتعليم وليد المعاني، الخميس، نتائج امتحان الثانوية العامة "التوجيهي" للعام 2019 في مؤتمر صحفي، بنسبة نجاح بلغت 58.3%.

وشهدت الدورة الحالية من الامتحان سابقة تاريخية بتاريخ "التوجيهي" في الأردن، بعد حصول الأول على علامة 100%، و9 طلاب حصلوا على المرتبة الثانية مكرر بمعدل 99.9%.

وأثار إعلان النتائج بهذه الطريقة ولأول مرة في تاريخ المملكة العديد من التساؤلات والاستغراب في ظل عدم وجود سابقة والتشديد على الامتحان خلال السنوات الماضية، وفق مراقبين.

ورصدت "أحداث اليوم"، أبرز ردود الأفعال التي تباينت على إعلان نتائج "التوجيهي"، وتاليًا أبرزها:

وقال يوسف حلولي: "شكله طلاب التوجيهي شابكين ع VPN السعودية"، في إشارة إلى المعدلات العالية ونسبة النجاح الكبيرة بالامتحان.

وأبدت بلقيس الزعارير استيائها من النتائج: "النتائج السنة هي عباره عن علامات صف اول ب.. العاشر ع المملكة 99.9 ايش فيي يا اخواان يرحم ايام الذنيبات بس".

وعلق عبادة رواقة: "مش قادر أتقبّل فكرة الناس اللي نازلة تخويث على طلاب التوجيهي و معدّلاتهم من الصبح.
ياخي ما بعرف كيف بتقدر تشوف ناس مبسوطين و فرحانين بمعدّلاتهم و تروح تحكي قدّامهم انه معدّلهم هذا لا يعني شيء،و إنه التوجيهي هاي السنة مسخرة و و .. سمعنا انه الأول على المملكة جاب١٠٠٪ ما شاء الله+١".

وتساءلت شفاء القضاة حول التغيير في الامتحان والعلامات عن السنوات الماضية: "المعدلات جدًا غريبة، مبارك لكل الحاصلين عليها، لكن السؤال اللي بيطرح نفسه، نظام التصحيح نفسه، والأسئلة وحدة، ايش اللي تغيَّر؟ وهل يعقل انو ع مر سنوات ما حدا قدر يجمع ال100؟ أو انو التربية كانت مانعة وضع علامة 100 حتى بعد تجميعها ورجعت سمحت بهالشي؟ ايش اللي بحدد المعدلات عنا؟ وليش بمواسم بتكون عالية جدًا وأخرى منخفضة؟ غريب".

وقال حمزة حياصات" "1200 طالب معدله فوق 90 الله يرحم ايام الذنيبات الي ب90 بيجوش 50 طالب طيب الي جاب 100% بالتعبير العربي والانجليزي ما انخصمله لو علامه والله التعليم صار مهزله في شب منزل معدله 99.5 وترتيبه 80 على المملكة".

وقال زيد عمرات: "وبطلع الك واحد بقلك ليش قطر والكويت ... بتشكك في منظومة التعليم عنا...الأول على المملكة لهذا العام بمعدل ١٠٠٪ الله أكبر... لا اقصد الطالب.. "ربنا يوفقه" لكن المنظومة في خلل حقيقي .. والمعدلات الي بنشوفها ...ما كنّا نشوفها ايّام دفعتي ٢٠١٥".

وشاركت سندس الصباغ بصورة لوزير التربية والتعليم الأسبق محمد الذنيبات: "الذنيبات ومواليد 96 وهما بشوفوا معدلات هاي السنة بالتوجيهي".

 

 

 

[25-07-2019 04:46 PM]