قبل حوالي ٢٠٠٠ سنة و"شوي" ،، "حكى" السيد المسيح : لا كرامة لنبي في وطنه ..

وصارت "زي" كل المقولات المهمة اللي مرت بالدنيا يتداولوها الناس وبنعاد انتاج الفكرة من الادباء والشعراء (شكسبير بجلالة قدره مثلا) والامثال العربية الشعبية (زمار الحي لا يُطرب مثلا) ..

بس ما بعرف ليش حاسس انه هالحكي لازم يصير عليه تعديل بسيط تماشيا مع السياق العام للواقع المحلي والاقليمي ..

"لا كرامة لمواطننا في وطنه"

ومن هون بنكتشف انه مش غريب يكون في أغنية بتحكي ..
يوم الكرامة ،، حِنا النشامى ..

وواضح انه المعنى انه احنا بنصير "نشامى" يوم الكرامة ،، بس باقي الايام "حنا فراشات صغار".

 

 

امجد حجازين - ممثل مسرحي ومذيع برامج سياسية ساخرة 

[04-04-2018 10:14 AM]